Á tónleikum Sinfóníuhljómsveitar Íslands á morgun hljómar fiðlukonsert Tsjajkovskíjs í flutningi japönsku fiðlustjörnunnar Sayaka Shoji.
Árið 1999 varð hún yngsti sigurvegari í sögu Paganini-keppninnar og hefur átt farsælan feril allar götur síðan. Á tónleikunum hljómar einnig Sinfónía nr. 10 eftir Shostakovitsj undir stjórn finnska hljómsveitarstjórans Klaus Mäkelä sem er einn eftirtektarverðasti hljómsveitarstjóri Norðurlanda um þessar mundir.
Einungis örfáir miðar eru eftir á tónleikana. Enginn þarf þó að missa af þessum frábæru tónleikum þar sem þeir verða sendir út í beinu myndstreymi á sinfonia.is og á Facebook-síðu hljómsveitarinnar ásamt því að vera útvarpað í beinni á Rás 1.