Bleikan slaufan í ár er hönnuð af Páli Sveinssyni, sem er yfirgullsmiður Jóns & Óskars. Bleika slaufan fæst eins og hefðbundið er sem næla og silfurhálsmen.
Í ár er hins vegar sú nýbreytni að Páll kom með þá hugmynd að hanna gullslaufu af Bleiku slaufunni. Er hún aðeins til í einu eintaki sem verður boðið upp á Facebook-síðu Bleiku slaufunnar dagana 10. – 12. október. Er hun til sýnis í verslun Jóns & Óskars á Laugavegi 61.
Bleikt boð verður haldið í versluninni í dag frá kl. 17-19 og getur fólk skoðað gylltu Bleiku slaufuna þar.
Jónsi í Svörtum fötum mun syngja fyrir gesti, Mosfellsbakarí sér um veitingar, Ölgerðin býður upp á drykki og fyrstu 50 sem kaupa Bleiku slaufuna í silfri fá gjafapoka frá Essie.