Breski grínistinn Jimmy Carr er orðinn að lifandi goðsögn í heimalandi sínu og Bandaríkjunum og hann túrar stanslaust. Hann kemur nú aftur til Íslands með sýninguna The Ultimate, Gold, Greatest Hits World Tour og flytur hana 26. janúar í Hofi og 27. janúar í Háskólabíói.

Forsala hefst í dag kl. 10 og almenn sala á morgun kl. 12 á Tix.is.

Í þessari nýju sýningu hefur hann safnað sama bestu bröndurunum frá öllum ferlinum og blandað þeim saman við splunkunýtt efni.

„Ég hef aldrei beðist afsökunar á bröndurunum mínum. Ég hef kannski sagt: mér þykir leitt að ég hafi móðgað einhvern, en þetta var brandari! Það besta sem ég veit er að heyra fólk hlæja um leið og þau taka andköf þegar þau fatta að þau ættu ekki að vera að hlæja að þessu,“ segir Jimmy.

Jimmy er þekktur fyrir svartan húmor og einstakan hlátur. Hann hefur verið í bransanum í yfir 20 ár, farið á níu uppselda heimstúra og komið fram fyrir rúmlega tvær milljónir manna í fjórum heimsálfum. Jimmy vann British Comedy verðlaunin fyrir besta uppistands túrinn og var tilnefndur til Perrier verðlauna.