Hallgrímur Helgason, rithöfundur birti í gærkvöldi mynd á Facebook-síðu sinni sem sýnir vörubíl merktan Skeljungi fylla á birgðir bensínstöðvarinnar við Costco. Hallgrímur furðar sig á stöðunni segir þetta „heldur skrýtnar samfarir.“ Fyrirtækin eru með samning út árið 2018 um þjónustu á eldsneytisdreifingu.
„Dælubíll við bensínstöð. Costco kaupir semsagt bensín af Skeljungi. Heldur skrýtnar samfarir það. En kannski verslar Bónus í Nettó?,“ skrifar Hallgrímur við færsluna sem sjá má hér að neðan.
Bensínstöð Costco við Kauptún í Garðabæ opnaði þann 21. maí árið 2017 og hóf sölu á bensíni fyrir aðeins 169,9 krónur. Þá hafði líterinn af bensíni ekki kostað undir 170 krónur síðan árið 2009.