Jón Gnarr, leikari, rithöfundur og fyrrverandi borgarstjóri, greindi frá því í útvarpsþættinum Tvíhöfða um helgina að hann ætti æstan aðdáenda á Ítalíu. Aðdáandinn er kona sem hefur að sögn Jóns stundað það að „stalka“ borgarstjórann fyrrverandi á samfélagsmiðlum.

Þátturinn Tvíhöfði er á dagskrá Rásar tvö alla sunnudaga en eins og flestir vita þá stjórnar Jóni Gnarr þættinum ásamt Sigurjóni Kjartanssyni.

Jón greindi frá þessu í kjölfar umræðu um hegðan fólks á samfélagsmiðlum. „Það er einhver ítölsk kona sem er að stalka mig. Hún er ekki fjarri því að ef ég myndi leika hana. Hún lítur þannig út,“ sagði Jón í þættinum sem heyra má í heild hér en umræðan um konuna geðþekku byrjar þegar tæplega 17 mínútur er liðnar af þættinum.

Jón hefur ekki enn blokkað konuna sem hann segir erfitt þar sem hún er iðulega frekar glaðlynd. Hann viðurkenndi þó að þetta er ekki þægilegt. „Hún er alltaf hress og jákvæð þannig að ég get í raun ekki blokkað hana. Þetta er bara verulega óþægilegt,“ sagði Jón.