Bandaríska söngkonan Aretha Franklin, einnig þekkt sem „drotting sálartónlistarinnar“ er látin, 76 ára að aldri. Ekki hefur verið greint opinberlega frá dánarorsök en fram hefur komið að heilsu söngkonunnar hafi hrakað verulega síðustu ár.
Aretha kom fyrst fram á sjónvarsviðið undir lok sjöunda áratugarins en hún er einn söluhæsti listamaður allra tíma og vann 18 sinnum til Grammy verðlauna.
Fjölmiðlafulltrúi hennar staðfestir andlátið í samtali við AP fréttastofuna en í samtali við People segir náinn vinur að Aretha hafi verið „veik í langan tíma“ og að andlát hennar hafi verið yfirvofandi. Hún hafi lagt sig fram við að halda veikindum sínum leyndum.
Fullt nafn hennar var Aretha Louise LaTundra Franklin en hún fæddist í Tennessee í Bandaríkjunum árið 1942 og ólst upp í Detroit. Hún söng í kirkjukór á yngri árum áður en hún fékk plötusamning hjá Columbia en það var ekki fyrr en árið 1967,þegar hún fékk samning hjá Atlantic Records, að ferill hennar komst almennilega á skrið. Meðal þekktustu laga hennar voru Respect, You Make Me Feel like a Natural Woman, I Say a Little Prayer og Think.
https://www.youtube.com/watch?v=KtBbyglq37E
