fbpx
Þriðjudagur 11.desember 2018

DV - Frjáls og óháður miðill

Kaffistofan

PR-vandi

Fókus

Hrókurinn með hátíð til minningar um Gerdu Vilholm heiðursfélaga Hróksins

Ragna Gestsdóttir
Mánudaginn 6. ágúst 2018 14:00

Á laugardag sló Hrókurinn upp allsherjarveislu í félagsheimilinu í Tasiilaq á Grænlandi til að minnast Gerdu Vilholm, máttarstólpa barnanna í bænum og heiðursfélaga Hróksins.

Justus Hansen þingmaður og Hróksliði flutti fallega tölu við setningu hátíðarinnar, ásamt Anna Kuitse sem er í stjórn Rauða krossins í bænum.

Hrafn Jökulsson telfdi við tugi heimamanna á öllum aldri og Birkir Blær Ingólfsson og Jónas Margeir töfruðu alla upp úr skónum með tónum sínum.

Allir fengu verðlaun, en bikarinn hlaut hin 10 ára gamla Anitse Kuitse, sem sat ein eftir þegar öðrum skákum var lokið.

Í gær heimsóttu Hróksliðar síðan Pitu-heimilið og færðu börnunum glaðning, auk þess að funda með stjórnarfólki Rauða krossins í Tasiilaq.

Anitse sat ein eftir þegar öðrum skákum var lokið og taldist þar með aðalsigurvegari hátíðar þar sem allir voru sigurvegarar.
Hamingjunnar bros í Tasiilaq, höfuðstað Austur-Grænlands.
Þessi ört gránandi kall mátti hafa sig allan við gegn glaðbeittri sveit heimamanna!
Þungir þankar — en reyndar stutt í næsta bros.
Svona býr maður sig undir skákmót! Og fer svo heim með bikarinn.
Gull og meira gull!
Útitafl í Tasiilaq, sem er meðal fegurri staða á jörðu hér.
Tónsnillingar á torginu í Tasiilaq töfra fram tóna — hvað eru mörg t í því?
Hugsað djúpt und heitri sól.
Iddimanngiiu Jensen Bianco hefur komið alla leið á Krossnes, ásamt sinni góðu fjölskyldu. Hún er dótti rHarald Bianco sem verið hefur máttarstólpi Hróksins á Austur-Grænlandi frá upphafi. Hann er jafnframt fyrrverandi þingmaður og skólastjóri. Dóttir hans — hér í góðum félagsskap Jónasar og Birkis — hefur líka setið á grænlenska þinginu en stýrir nú ferðamálum á Austur-Grænlandi, og var ómetanleg hjálparhella við undirbúning hátíðarinnar.
Meistari Larsen hefur tekið þátt í starfi Hróksins í Tasiilaq frá upphafi, 2004. Ófáar stundir hefur hann með öðrum Hróksliðum í skólanum hér í Tasiilaq. Nú er hann sestur í helgan stein, en fylgist vökulum augum með ungu kynslóðinni að tafli. Ég beitti að sjálfsögðu danska gambítnum gegn mínum vini Larsen.
Hringsnúist á milli leikja!
Eina myndin sem ég hef náð af Birki með áhyggjusvip, síðan hundasleða-unglingarnir í Kulusuk reyndu að éta hann. — Hann vissi það ekki í gærmorgun, en nú er hann LÍKA kominn í skákkennaradeildina.
Skákhöll Hróksins í Tasiilaq. Þegar við komum fyrst í bæinn árið 2004 var okkar fyrsta verk að fara í kaupfélagið og kaupa málningu. Svo máluðum við húsið að innanverðu, og meistari Róbert stjórnaði best heppnuðu gólfhreinsun sem ég hef séð, meðan börnin stóðu fyrir stórfelldu hreinsunarátaki umhverfis félagsheimilið. Nú er annar bragur á Tasiilaq, og félagsheimilið glansar ytra sem innra. Hér er reyndar allt á uppleið á öllum sviðum, hjá okkar dásamlegu nágrönnum, sem láta verkin tala á sinn hljóðláta hátt — og allajafna með bros á vör. Grænlands bíður björt framtíð.
Birkir Blær saxar alla í spað með tónum og töfrum.
Hvítur í stórsókn!

Myndir og myndatextar: Hrafn Jökulsson.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 13 klukkutímum

Guðrún Ágústa – „Ísland er að murka úr mér lífið hægt og rólega, menntun er bara skuldasúpa út í lífið“

Guðrún Ágústa – „Ísland er að murka úr mér lífið hægt og rólega, menntun er bara skuldasúpa út í lífið“
Fókus
Fyrir 14 klukkutímum

Linda Pé var dómari í Ungfrú Heimur 2018

Linda Pé var dómari í Ungfrú Heimur 2018
Fókus
Fyrir 17 klukkutímum

DV Tónlist á föstudaginn : FM BELFAST

DV Tónlist á föstudaginn : FM BELFAST
Fókus
Í gær

Frækileg fjölgun frægra á árinu

Frækileg fjölgun frægra á árinu
Fókus
Fyrir 2 dögum

NME gefur Reykjavíkurdætrum 4 stjörnur

NME gefur Reykjavíkurdætrum 4 stjörnur
Fókus
Fyrir 2 dögum

Atli Fannar afklæddi sig í Fréttum vikunnar

Atli Fannar afklæddi sig í Fréttum vikunnar