Ferðavefurinn Dohop.is birti á dögunum lista yfir sína eftirlætis „instagrammara“ en Instagram getur verið frábær innblástur fyrir ferðasjúka.
Dohopparar eru á því að ekkert sé meira hressandi en að fylgjast með ævintýrum „alvöru fólks“ og ekki skemmir það fyrir þegar þetta fólk er klárt að munda myndavélarnar sínar. Þá er einnig hægt að þiggja heilræði frá þessu ágæta fólki enda vita ferðavanir að það sem skiptir mestu máli er að fá „tips“ frá þeim sem hafa verið á staðnum og hafa kannski svipaðan smekk og maður sjálfur.
Hér eru nokkrir af uppáhalds Instagramreikningunum þeirra á Dohop.
Þessir snillingar leika sér að því að sýna bestu hliðar London sama hvaða árstíð er. Ef London er borg sem þér finnst alltaf gaman að heimsækja muntu finna marga gagnlega punkta hér. London er líka einn af þeim stöðum sem er ódýrast að fljúga til frá Keflavík.
Mimi er matreiðslubókahöfundur, sjónvarpskona og greinahöfundur hjá Condé Nast Traveller. Ef þig dreymir um að búa á herragarði í Frakklandi, elda franskan sveitamat, drekka góð vín og njóta lífsins í góðum félagsskap skaltu kíkja á reikninginn hennar Mimi. Hún, börnin hennar og eiginmaðurinn Oddur Þórisson, ljósmyndari, mynda frábært teymi sem gaman er að fylgjast með.
Oddur er íslenskur ljósmyndari, greinahöfundur hjá Condé Nast Traveller og eiginmaður fyrrnefndrar Mimi Thorisson. Hann er líka vínþjónn (ef þú hefur áhuga á vínum þá er það líka góð ástæða til að fylgjast honum), hundaræktandi og ef út í það er farið, holdi klædd skilgreining á lífsnautnamanni. Ljósmyndirnar hans munu líklega verða til þess að þú ferð að skipuleggja frí til Frakklands eða Ítalíu þegar í stað.
Þessi reikningur býður upp á efni frá fallegum borgum víða um heim. Fylgdu þessum reikningi ef þú ert á höttunum eftir fjölbreyttri blöndu af mismunandi menningarheimum, byggingum, mat, blómum og eftirminnilegum stöðum.
Icelandic Travelers stendur saman af tvíeykinu Tönju og Sverri. Þau eiga heima á Íslandi og taka frábærar myndir á ferðum sínum um landið. Þau ferðast líka til annarra landa en þó mest um Ísland.
Allur heimurinn eins og hann leggur sig og alveg stórbrotnar myndir. Þetta er reikningur sem deilir myndum frá ástríðufullum ferðalöngum á Instagram. Listinn yfir draumaáfangastaðina þína mun lengjast umtalsvert eftir að hafa skoðað þennan reikning.
