Ef þú komst í heiminn 17. apríl þá segja himintuglin að þú, kappsami hrútur, sért haldin mikilli metnaðargirnd sem orsakast meðal annars af hreinræktuðu eirðarleysi.
Á sama tíma býrð þú yfir töluverðri sjálfsstjórn og þolinmæði sem er nokkuð mikil þversögn við eirðarleysið. Þú ert mjög skapandi og frumleg/ur og að öllum líkindum býrð þú yfir góðum leiðtogahæfileikum og átt mjög gott með að sjá tækifærin í hlutum og aðstæðum.
Þú býrð líka yfir ótal kostum en einn af göllum þínum er hinsvegar sá að þú tekur sjálfri/um þér heldur alvarlega. Þú getur líka verið full hreinskilinn og svo áttu það til að eyða um efni fram.
Þú ert ákaflega kærleiksrík manneskja og þú leggur þig virkilega fram um að skilja það fólk sem þú átt í samskiptum við.
Hrúturinn sem fæddist 17. apríl á yfirleitt ekki í neinum vandræðum með að ná sér aftur á strik ef hann dettur af baki, enda er hann bæði auðmjúkur og ábyrgur.
Ef dagurinn í dag er afmælisdagurinn þinn þá þarft þú bara að halda áfram á sömu braut og þú hefur verið hingað til en reyndu samt að hætta að taka sjálfri/um þér svona alvarlega. Lífið verður svo miklu skemmtilegra þegar maður lærir að hlægja að sjálfum sér.
Frægir hrútar sem fæddust 17. apríl
Victoria Beckham – fatahönnuður og fyrrum poppstjarna
Birgitta Jónsdóttir – ljóðskáld og fyrrum stjórnmálakona
Eyjólfur Kristjánsson – tónlistarmaður
Díanna Dúa Helgadóttir – markaðskona
Tamara Beckwith – leikkona
Jennifer Garner – leikkona