Besta Útihátíðin 2012

Besta Útihátíðin verður haldin, þann 05. til 08. júlí 2012.

Yfir 50 atriði koma fram á hátíðinni.

Þriðja árið í röð verður Besta Útihátíðin haldin. Í annað skiptið á Gaddstaðaflötum. Nú bætist við fimmtudagur sem verður kryddaður með þægilegum tónum plötusnúða. Miðaverð í forsölu í ár er 10.500 og er 18 ára aldurstakmark og aðeins 10.000 miðar í boði. Miðaverð hækkar úr 10.500 í 12.500 þann 2. júlí. Fjöldi tónlistaratriða á Bestu Úthátíðinni í ár er um helmingi fleiri en í fyrra og fjölbreytnin eftir því.

Hægt er að verða sér út um miða HÉR

Þrjár hljómsveitir eru með endurkomu á hátíðinni. Botnleðja, 200.000 Naglbítar og Sóldögg eru hljómsveitir sem allar koma fram á ný. Hátíðin hefur aldrei verið stærri en yfir 50 tónlistaratriði koma fram á hátíðinni. Fjöldi tónlistarmanna og plötusnúða hefur aldrei verið meiri né fjölbreyttari og ættu allir að finna eitthvað við sitt hæfi. Meðal annars koma fram, Gus Gus, Páll Óskar, Ourlives, Blaz Roca, Gabríel og Opee, Skítamórall, Friðrik Dór, Gísli Pálmi, Agent Fresco og Tiny ásamt fjölda annara listamanna.

Fimmtudagur:

Hátíðin opnar á á fimmtudeginum með ótrúlega seiðandi hústónum í anda þeirra tónlistarmanna sem gefa út á útgáfufyrirtæki þriggja ofur-töffara frá Kaliforníu. Þeir sem kannast við Jamie Jones, Seth Troxler, Manik og Martin Buttrich ættu að mæta á fimmtudeginum.

Droog er hústónlistar teymi frá Los Angeles og hafa þeir byggt upp sterkt orðspor í þeim heimi sem framleiðendur og plötusnúðar um allan heim.

Þeir eru einnig höfuðpaurar útgáfufyrtækisinins Culprit LA sem er með útgáfur frá Hot Natured (Lee Foss & Jamie Jones), Matt Tolfrey, MANIK, Jozif, Inxec, Laura Jones, og Shonky svo eitthvað sé nefnt. Þeir vinna náið með Crosstown Rebels og Leftroom og hafa spilað á einhverjum stæðstu raftónlistar hátíðum heimsins, þar á meðal BPM, Coachella, Winter Music Conference, Sonar, og DEMF. Það má líka minnast á að þeir hafa ferðast um allan heim, frá Moskvu til Límu, Ibiza til Costa Rica, Berlin og Paris, og nýlega til Brasilíu, Túnis og Portúgal.

Núna eru þessir snillingar að mæta til Íslands og munu opna hátíðina.

Það verður því 'lounge' stemning á tjaldsvæðinu í upphafi hátíðar.

Föstudagur og laugardagur.

Það má með sanni segja að föstudagurinn og laugardagurinn séu tími endurkomunnar. Sjaldan eða aldrei hafa jafn margar vinsælar íslenskar sveitir snúið til baka á sama tímapunkti eins og á Bestu útihátíðinni í ár. Töffararnir úr 200.000 Naglbítum snúa til baka ásamt sveitaballakóngunum í Sóldögg. Hafnfirska hljómsveitin Botnleðja kemur til baka eftir langt hlé, mörgum til mikillar gleði. Endurkomu Botnleðju hefur verið beðið í áraraðir. Ofangreindar hljómsveitir ætla að flytja öll sín þekktustu lög og eftirvæntingin er mikil.

En þetta er ekki allt: Rappkonungur Íslands, Blaz Roca, ætlar að stíga á svið og gera gjörsamlega allt vitlaust eins og honum einum er lagið. Ein vinsælasta hljómsveit landsins þessa dagana, Blár Opal, mun einnig koma fram og flytja lagið "Stattu Upp," sem var hársbreidd frá því að verða framlag Íslands í Eurovision í ár.

Hin dularfulli Gabríel mun einnig láta sjá sig ásamt Opee en saman hafa þeir átt tvö af vinsælustu lögum landsins það sem af er ári. Hinn umdeildi Gísli Pálmi mun að sjálfsögðu ekki láta sig vanta, ekki heldur Páll Óskar, Ingó og Veðurguðirnir, Sykur, Ourlives, Agent Fresco, Á móti Sól og margir fleiri.

Tryggðu þér miða á Bestu útihátíðina 2012 og vertu viss um að missa ekki af endurkomum ársins í bland við það allra heitasta og vinsælasta í tónlistinni á Íslandi í dag.

Það er engin tilviljun að Besta Útihátíðin heitir það sem hún heitir. Hún ber nafn með rentu.

Bestu Listamennirnir 2012

Hljómsveitir:

1860

200.000 Naglbítar

Á móti sól

Agent Fresco

Blár Ópall

Blaz Roca

Botnleðja

Diamond Thunder

Friðrik Dór

Gabríel & Opee

Gísli Pálmi

Gus Gus

Ingó og Veðurguðirnir

Morning After Youth

Óli 107 & Róbert Freyr ft. Ragga

Ourlives

Páll Óskar

Skítamórall

Sóldögg

Stuðlabandið

Sykur

The Vintage Caravan

Tiny

Úlfur Úlfur

Why Not Jack

Plötusnúðar:

A. Paul (Portúgal)

AJ Caputo

Arnar Ingason

Árni Skeng

ATL

Basic House Effect

Digital Magic (Danmörk)

Droog (Bandaríkin)

Exos

Frigore

Ghozt

Ingi Þór

Invert

Joey D

Johan Stone

Lafontaine

Megaman

Odin Kay

Óli Geir

Pavilion

Plugg'd

Pink & Purple

Ricardo Gomez

Sindri BM

Sound Illusion

Untitled2Music

Viktor Birgiss

Instagram

Besta Útihátíðin er með Instagram leik í gangi á hátíðinni. Fólk er hvatt til þess að bæta Bestu Útihátíðinni við sem vin á Instagram og fylgja eftir myndum af hátíðinni. Til þess að taka þátt í leiknum þarf aðeins að tagga #Besta12 við þá mynd sem tekin er á hátíðinni. Veitt verða þrenn verðlaun. Vinsælasta myndin, besta myndin og skemmtilegasta myndin. Tónlistarfólk af hátíðinni verður í dómnefnd.

Gott að vita

10.000 miðar í boði

18 ára aldurstakmark

Kaldar vínveitingar seldar á staðnum

Heitur matur til sölu víðsvegar um svæðið

Rafmagn fyrir húsbíla og fellihýsi

Hundar eru bannaðir

Öllum er skylt að ganga snyrtilega um og nota ruslatunnur eða gáma

Algengar spurningar

Er öruggt að fara á Bestu Útihátíðina?

Við leggjum mikið upp úr öruggri og ánægjulegri upplifun gesta okkar. Gæslu á svæðinu er sinnt af Lögreglu, hjálparsveitum og öryggisvörðum. Sjúkragæsla er á svæðinu og ávallt læknir á vakt auk sjúkrabíls. Strangt er tekið á meðferð og vörslu ólöglegra vímuefna. Besta Útihátíðin hefur seinustu tvö ár styrkt NEI hreyfinguna sérstaklega.

Eru alvarleg slys eða nauðganir algengar á Bestu?

Sem betur fer hefur hvorugt komið upp s.l. þrjú ár og markmiðið er að gæta þess að svo verði áfram.

Er ódýrara að sleppa úr degi?

Aðgangur er keyptur að svæðinu einu sinni og gildir einu hvort fyrirhugað sé að vera allann tímann eða bara einn dag.

Er hægt að kaupa mat og drykk á svæðinu?

Heitur matur og kaldir drykkir eru til sölu á svæðinu allann tímann. Hamborgarabúllan sér um veitingar.

Helgi Steinar tók ljósmyndirnar sem fylgja þessari grein og má fleiri verk hans HÉR

Í samstarfi við..

Tuborg - FM957 - Pepsi Max - Skapandi