Ársskýrsla Leigjendaaðstoðar Neytendasamtakanna 2011 er komin út en Leigjendaaðstoðin var stofnuð á síðasta ári.

Samkvæmt heimasíðu samtakanna bárust Leigjendaaðstoðinni á árinu alls 1.048 erindi frá leigjendum, þar af 817 eftir að þjónustusamningur við velferðarráðuneytið tók gildi í maí 2011.

Flest erindin vörðuðu viðhald og ástand leigueignar annars vegar og álitamál sem snúa að uppsögn leigusamnings hins vegar. Finna má ítarlega umfjöllun um leigumál á nýrri heimasíðu, leigjendur.is.