„Svigrúm viðskiptabankanna til að laga skuldastöðu heimilanna er ótvírætt til staðar. Er verið að nota það svigrúm að fullu og er verið að nota það svigrúm á þann hátt að aukin jöfnuður verði meginforsenda þeirra aðgerða?“ spyr hagfræðingurinn Kjartan Broddi Bragason. Hann hefur unnið skýrslu fyrir samtökin um skuldastöðu íslenskra heimila.

Niðurstöðurnar eru meðal annars þær að þegar skuldastða íslenskra heimila er skoðuð er einkennandi hversu skuldugir tekjulægstu hóparnir eru. Dreifing skulda er mjög jöfn sem bendir til þess að tekjulægri heimili eiga erfitt með að lifa samkvæmt eðlilegum lágmarksneyslustöðlum samfélagsins. Kjartan segir að félagsleg vandamál gætu aukist til lengri tíma litið.

Kjartan segir að bankarnir hafi ótvírætt svigrúm til afskrifta og spyr hvort verið sé að nota það svigrúm á þann hátt að aukinn jöfnuður verði meginforsenda aðgerða. Hann segir enn fremur að stór hluti umræðunnar beinist að stóru bönkunum þremur en bendir á að meira en helmingur skulda heimilanna sé í eigu annarra aðila á fjármagnsmarkaði; einkum Íbúðalánasjóðs og lífeyrissjóðanna. Horfa þurfi til hvernig þessir aðilar geti tekið á sig auknar niðurfæslur eða afskriftir. Kjartan segir að verði skuldastöðu heimilanna ekki komið í rétt horf geti endurreisn efnahagslífsins dregist verulega. Landflótti geti fylgt í kjölfarið.