Neytendasamtökin könnuðu verð á sælgæti og drykkjarföngum í nokkrum leikhúsum og tónleikasölum. Gos í gleri er ódýrast í Háskólabíói og hjá Leikfélagi Akureyrar. Þar kostar flaskan 250 krónur en hún kostar 400 krónur í Borgarleikhúsinu. Bjórflaska er einnig ódýrust hjá Leikfélagi Akureyrar, kostar 650 krónur. Hún er dýrust í Borgarleikhúsinu og kostar 850 krónur.

Í könnuninni kom í ljós að Nissa-súkkulaði kostar 250 krónur í Borgarleikhúsinu, í Háskólabíói, í Íslensku óperunni, hjá Leikfélagi Akureyrar og í Þjóðleikhúsinu. Ópal og Tópas kosta jafnmikið nema í Háskólabíói þar sem pakkinn kostar „ekki nema“ 200 krónur. Lakkrískonfekt í poka kostar á bilinu 300 til 250 krónur, þar sem það fæs