Veröld Tobbu

Veröld Tobbu

Tobba er ókrýnd deitdrottning Íslands og fer hamförum í þeim efnum. Henni hefur lengi þótt vanta blogg um hvað er að ske um helgina, kokteila, mat, tísku, samskipti kynjanna og allan þann fjanda sem konur eiga til að velta sér upp úr. Tobba hefur gefið út þrjár bækur í þessum efnum og er vel að sér um hin ýmsu mál og er ekki hrædd við að láta til sín taka með lyklaborðið að vopni!

Blogg

ÓLAFUR EKKI MEÐ KOSNINGAVÖKU - "ÞETTA ER EINS OG EVROVISION"

30. júní 2012 › 19:20

 


Gleðilegan kosningadag elsku Íslendingar. Ég veit ekki með ykkur en ég átti mjög erfitt með að gera upp hug minn og gerði það í raun ekki fyrr en ég stóð inni í klefanum í Ráðhúsinu og fann hjartað hamast við að horfa á yfirlætislausan pappírssnepilinn í höndum mér. 


En ég kaus - og ég kaus annað en ég átti von á og er sátt við það.


Eftir kosningarnar settist ég í hádegismat með nokkrum vinum og við fórum að velta fyrir okkur kosningavökunni og hvar væri best að fylgjast með framtíð Íslands. Í kjölfarið ákváðum við að kynna okkur kosningarvöku allar frambjóðenda. 


Herdís er á Sólon kl 21:00.


Þóra er í Hafnarhúsinu kl. 21:30.


Ari Trausti er á Borginni kl 22:00.


Ekki fann ég neitt um Andreu - óska eftir upplýsingum um hvort hún er með kosningavöku.


Hannes kaus í Skagafirði og verður því væntanlega með sína kosningavöku þar. Áhugaverðast þótti mér þó svarið sem ég fékk á kosningaskrifstofu Ólafs og Dorritar (hann er sumsé ekki einn í framboði heldur er þetta samboð). 


Svarið var: Nei við erum ekki með kosningavöku. Það þarf að draga úr kostnaði og svo er það svo ósanngjarnt gagnvart fólkinu út á landi. Við sjáum þetta bara fyrir okkur eins og Evrovision - fólk bara hittist heima og heldur partý! 


 


Einmitt - og er þá Ólafur okkar framlag til Evrovision? 


 



Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.