• MESTA TURN OFF Í HEIMI?

    12. mars 2010

    Ég hef ansi oft reynt að setja saman einhvern prófíl yfir draumaprinsinn en hann breytist með hverju skipti sem ég hitti einhvern sem ég held að sé eitthvað varið í ..

    en er svo sjaldnast nokkuð spennandi til lengri tíma...

    Þetta eru ný samt flest allt góðir drengir. Bara hundleinðilegir, með hor eða langt og tilgangslaust tal um gervihnattadiska.

    En svo hitti ég einn ansi álitlegan á skemmtistað um daginn.
    Hann sat við barinn og við fórum að spjalla.

    Maðurinn brosti svo bjart að ég kiknaði í hnjáliðinum. Gullfalleg ísblá augu, breitt bros og talar ekki út um rassgatið á sér. Vinnur hjá tryggingaféagi og spilar fótbolta. Klæðnaður sem segir ég er töffari en engin hnakki.

    Ég fór strax að leita af framleiðslugalla eða ástæðu fyrir því að hann væri á lausu.

    Fann ekkert.

    Hann passar líka börn systur sinnar aðra hverja helgi og elskar að elda asískan mat.

    Ég sat bar og brosti. Þvílíkur maður.

    Eftir rúmlega hálftíma spjall sagðist hann ætla ða bregða sér á klósettið og bað mig að passa sætið sitt sem var hár barstóll.

    - Auðvitað svaraði ég. Myndi sko verja þennan stól með kjafti og klóm.

    Draumaprinsinn stökk niður af stólnum ...

    var lengi í loftinu..

    OG ENDAÐI VIÐ HLIÐIN Á BUXNASTRENGNUM HJÁ MÉR!

    Brosti svo og skaust inn í mannþröngina eins og lítið barn sem veit að það er karamella falin á gólfinu.

    Hann hefur ekki verið meira en 165 cm! 165!!!!!!!!!!!!!!!!!!!!!

    Vonbrigðin heltust yfir mig. Maðurinn var ekki annað en sýnishorn af draumaprinsinum... ekki fáanlegur í fullri stærð.

    Hvernig gat mér yfirsést þetta SMÁ atriði ?

    Síðan þá hef ég oft séð hann. Situr alltaf á barstólnum.. kemur líklega með hann sjálfur.

    Ég hefði þurft að taka hann í fangið til að kyssa hann. Hugleiddi það í eina mínútu að gefa honum séns. Katie Holmes og Tom Cruise eru enn saman.

    En þá kom hann til baka og reyndi að klifra aftur upp á stólinn.

    Þá hætti ég við.

    Skrifa athugasemd

  • UM HVAÐ ERU ÞESSAR KOSNINGAR!?!

    6. mars 2010

    Margir sem ég hef rætt við vilja ekki kjósa þar sem þeir gera sér ekki grein fyrir hvað er verið að kjósa um. Fólk virðist halda að við séu að kjósa um hvort það eigi að borga ice-save kvekendið eða ekki ..sem er auðvitað löngu búið að ákveða að mun falla á okkur þó ekki sé á hreinu hversu mikið eða hvernig það verður greitt.



    Óli Grís kemur þessu ágætlega frá sér á bls 2 í fréttablaðinu.. við erum sum sé að kjósa um að fá betri samning eða viðhalda þeim samning sem nú stendur og er mjög ósanngjarn .. burt séð frá því hvaða viðræður eru í gangi í augnablikinu! Enda er ekkert sem tryggir að þær viðræður skili neinu.

    Þannig með því að kjósa ekki er fólk að samþykkja núverandi ástand í stað þess að fara fram á betri og hagstæðari samninga! 

    Koma svo! Skellum okkur á kjörstað!

    Skrifa athugasemd

  • ALLSBER MEÐ HÁRNET OG DÖMUBINDI Á FÓTUNUM!

    5. mars 2010

    Jæja.. ég er þeim eiginleika gædd að ef ég lendi í einhverju vandræðalegu eða skringilegu get ég með engu móti bara haldið kjafti og komist yfir það. Verð að segja öllum nákvæmlega hvað ég er hallærisleg.
    Og enn og aftur af brúnkukremi.

    Ég vil vera létt tönuð, ekkert skinkuð í drasl neitt og skammast mín ekkert fyrir það. Finnst fallega hvít húð mjög falleg en mín lítur bara út fyrir að hafa lent í klór ef ég set ekki smá litað body lotion á mig reglulega. Svo um daginn var mér bent á að brúnkusprey væri kannski málið fyrir mig til að koma mér undan hinum og þessum vandræðum sem brúnkukrem hefur komið mér í að undanförnu.

    Þurfti að hugsa mig aðeins um enda fannst mér ekki heillandi að standa á rassinum fyrir framan ókunnuga konu í fangasturtustellingu og láta hana úða á mig einhverri drullu.

    En að lokum sló ég til.

    Fékk þau fyrirmæli að mæta í víðum fötum til að fara í eftir spreyið.

    Okei dókei.

    Ég mætti hress daginn eftir í íþróttagalla og var leidd inn í lítið herbergi með tveimur klefum. Vinaleg kona rétti mér eitthvað sem líktist svörtum klósett pappír og sagði mér að klæða mig í þetta og benti mér svo á tvö dömubindi og hárnet.



    - Og þetta. Settu eyrun út fyrir hárnetið og stígðu ofan á skóna. Þeir límast við þig.

    - Ha? Stíga ofan á dömubindið?

    - Þetta lítur bara svona út. Þetta eru einota skór, svaraði konan og benti á dömubindslaga bréfsnifsið á gólfinu.

    - Ræt.

    Konan fór fram og ég klæddi mig í svarta tissjúið sem var víst einota g-strengur. Hrikalega hallærislegur og hefði rúmað tvo, þrjú eistu! Svo var það hárnetið og eyrun út fyrir og loks að líma dömubindsskóna á sig. Þarna stóð ég svo fyrir framan spegil nakin fyrir utan tissjú naríurnar, með eyrun út og dömubindin límd undir fæturna.

    Mér hefur ALDREI fundist ég eins hallærisleg. Og mér hefur oft fundist ég hallærisleg.

    Svo kemur konan inn og skipar mér inn í lítinn klefa og stillir mér upp í sérlega fangasturtu stellingu það er að segja hendur á vegg og lappir í sundur. Svo kom hún með lita ryksugu  og hófst handa við að spreyja mig með ískaldri brúnku drullu.

    Niðurlægingin var alger!

    Þegar þessu loks lauk þurfti ég að standa í einkennisbúningi brúnkunar í sex mínútur áður en ég mátti klæða mig og keyra illa lyktandi heim til mömmu í mat sem gerði óspart grín af mér.

    En brúnkan daginn eftir var fín. Ég efast þó um að ég gæti vanist þessari niðurlægingu þó dömubindaskórnir hafi verið að gera gott mót.



    Í Ameríku er hægt að leigja konu frá hinu geðþekka Techno Tan sem kemur heim til þín með klefann og alles! Hahahaha! Ætli það sé betra að láta niðurlægja sig í sinni eigin stofu? Fyrir utan lyktina sem kemur! Jii þá geta vinkonur slegið saman og fengið gelluna heim til að spreyja liðið fyrir djammið! Hópniðurlæging! Allir drullugir á djamminu vííí...

    Skrifa athugasemd

  • VILTU KOMA Í SALINN OG SJÁ DJÚPU LAUGINA LIVE ?

    4. mars 2010

    Hey mig langar að bjóða þér að vera gestur í sal næstkomandi föstudag, 5.mars, kl. 20:30 á skemmtistaðinum 80´Club, Grensásvegi 5-7. Útsendingin hefst klukkan 21:00 og fólki verður ekki hleypt inn eftir að hún hefst. Vinsamlegast láttu okkur (sko Berglindi mína) vita hvort þú kemst, í síðasta lagi um hádegi Föstudaginn 5. mars. Þér er velkomið að taka með þér gest/gesti, en þá verður þú að senda okkur nöfn þeirra svo við getum bætt þeim á gestalista. Það er 20 ára aldurstakmark í salinn.

    Og það er mikið hlegið! Það er alveg á hreinu!

    Whoop!

    Skráning: berglind@skjarinn.is

    Sjáumst!

    Skrifa athugasemd

  • MENN ERU EINS OG SNJÓSTORMUR..

    3. mars 2010

    Fín pæling í slabbinu..

    Skrifa athugasemd