Ég sé að Ragnar Bjarnason er að halda upp á 75 ára afmælið sitt, og er auðvitað í fullu fjöri að syngja.

Til lukku með það!

Þegar ég var táningur kringum 1975 var Raggi Bjarna ekki beinlínis í tísku. Ég heyrði oft í honum í útvarpinu en annars varð maður ekki mikið var við hann.

Ég leit svo á að þetta væri rödd úr fjarlægri fortíð.

Ósjálfrátt fór maður að líta svo á að þessi maður hlyti að vera háaldraður, ef hann væri þá ekki bara löngu dauður.

Þá hefur Ragnar verið nýskriðinn yfir fertugt.