Í Laugardalslauginni voru tveir strákar að metast.

Þeir voru á að giska 14 ára og þekktust greinilega ekki. Metingurinn var góðlátlegur en samt var undiralda í máli þeirra.

Ég lagði lítt eyrun við, fyrr en ég heyrði að annar strákurinn hugðist fella hinn með hælkrók:

"Mamma mín er prófessor við Háskóla Íslands!"

En þá svaraði hinn með sniðglímu á lofti:

"Mamma mín er líka fokkings prófessor við Háskóla Íslands!"

Niðurstaðan var vitaskuld jafntefli.