Sonur minn ungur var að borða Cheeriosið sitt í morgun.

Hann er nýbúinn að uppgötva þá skemmtun að lesa á morgunkornspakka og las af ákafa meðan hann mokaði ofan í sig matnum.

"Þarna er Megas," sagði hann svo allt í einu upp úr eins manns hljóði.

Ég tók auðvitað ekkert mark á honum. Megas á Cheerios-pakka, ekki nema það þó.

En drengurinn lét sig ekki og skipaði mér að skoða bara sjálfur.

Og viti menn, þarna var mynd af Megasi. Og tilvitnun í hið ódauðlega kvæði: "Ef þú smælar framan í heiminn, þá smælar heimurinn framan í þig."

Megas var þarna ásamt ýmsum fleiri andans mönnum sem höfðu látið sitthvað spekingslegt út úr sér: Shakespeare, George Eliot, Marie Curie.

Mér fannst þetta sérlega ánægjulegur áfangi á framabraut Megasar, að vera kominn á Cheerios-pakka.