Jæja!

Þá er hafin ný vinnuvika.

Og enn sýnist mér að Valtýr Sigurðsson sé ríkissaksóknari.

Heimasíða embættisins gefur að minnsta kosti á öngan hátt til kynna að hann hafi sagt af sér, né farið í svo sem eins og ársfrí.

Og hvernig hef ég séð fréttir um að Páll Hreinsson og Tryggvi Gunnarsson í rannsóknarnefnd Alþingis séu á útleið fyrir það frumhlaup sitt að ætla að reka Sigríði Benediktsdóttur úr nefndinni - að kröfu Jónasar Fr. Jónssonar!

Þessir herramenn allir vonast væntanlega til að mál þeirra séu gleymd.

Það væri svo óskaplega íslenskt.

En ég vona að nú séu nýir tímar. Væri hægt að fá svör frá þessum mönnum - annað en ýmist hótfyndni eða þumbaraskap?