Jónas Kristjánsson skammar Rögnu Árnadóttur dómsmálaráðherra blóðugum skömmum hér.

Kallar hana Björn Bjarnason undir dulnefni.

En það finnst mér ekki sanngjarnt.

Ragna er kannski ekki beinlínis blóðrauður byltingarmaður í eðli sínu, en mér sýnist hún hafa sýnt margvíslega jákvæða viðleitni síðan hún tók við starfinu.

Hún svarar, sýnist mér, af einlægni og hreinskilni þegar hún er spurð um eitthvað, en hefur ekki tileinkað sér stærilæti hins þrautþjálfaða stjórnmálamanns.

Og viðtal Þóru Kristínar við hana (sjá hér) um upphlaup Evu Joly í gærkvöldi er ósköp heiðarlegt. Og lýsingin á Evu Joly sem "dínamítkassa" er glúrin.

En nú þegar sprenging hefur orðið, þá ætti Ragna líka að taka ærlega til hendinni.