Ég verð að viðurkenna að ég er svolítið ringlaður yfir Sigmundi Davíð. Er þetta ekki kornungur maður? Og kosinn beinlínis til að segja skilið við hina dimmu fortíð Framsóknarflokksins?

Og svo eyðir hann tíma sínum í að rífast og þrefa um þingflokksherbergi Framsóknarflokksins! Getiði ímyndað ykkur úreltara hugðarefni en þingflokksherbergi Framsóknarflokksins?

Og er svo með eitthvert kerfiskarlamúður um tillöguna um að sækja um aðild að ESB. Virðist vera sammála tillögunni en hótar samt einhverju múðri.

Bara svona til að gera sig gildandi.

Eins og þrautreyndur pólitískur vígahundur frá Gamla Íslandi.