Rétt að vekja athygli á skemmtilegri mynd sem birtist í Fréttablaðinu í morgun af Steingrími J. Sigfússyni að keyra til Bessastaða í gær þegar nýja stjórnin tók við völdum.

Steingrímur er á gamla eiturgrænbláa Volvónum sínum.

Volvó er vissulega heimsins besti bíll og vel við hæfi af Steingrími að sýna hollustu sína við allt gamalt og gott með því að koma keyrandi á þessum gamla og góða bíl til svo virðulegrar athafnar.

En þó Steingrímur vilji halda fast í það gamla (og sé á leiðinni að handsala vinstri stjórn), er samt ekki of langt gengið að keyra vinstra megin? Það er nú 41 ár síðan tekin var upp hægri umferð á Íslandi.