Merkilegt var að sjá frétt Láru Ómarsdóttur um dópmálið á Djúpavogi í sjónvarpsfréttum RÚV í gærkvöldi.

Þá vissu fréttamenn greinilega ennþá ansi lítið hvað væri að gerast. Lára greip því til þess ráðs að fara á Facebook.

Þar fann hún íbúa á Djúpavogi sem var að lýsa hasarnum fyrir vinum sínum. Löggur á ferð, þyrlur á sveimi, etc.

Íbúinn sagði svo eitthvað á þessa leið: "Þið sjáið þetta örugglega betur í fréttunum í sjónvarpinu í kvöld."

En í fréttunum um kvöldið var bara mynd af Facebook-síðunni og lesið upp af henni.

Fjölmiðlun svolítið að breytast, ha?