Þann 16. júlí 1950 fór fram fótboltaleikur í Rio de Janeiro í Brasilíu.

Þetta var í reynd úrslitaleikur heimsmeistaramótsins og þarna kepptu heimamenn við Úrúgvæ.

Úrúgvæar unnu þarna einn óvæntasta sigur samanlagðrar heimsmeistarakeppninnar í fótbolta, en það var nú ekki það sem ég ætlaði að minnast á núna.

Heldur hitt að áhorfendur voru 199.954 talsins.

Rétt tæplega tveir þriðju íslensku þjóðarinnar í dag voru þarna á einum fótboltaleik.

Þetta er áminning um hve fá við erum.

Við gætum komist fyrir á einum og hálfum fótboltavelli - að minnsta kosti sé um að ræða Maracanavöll í Rio!

Svona lítil þjóð hlýtur að geta komist að samkomulagi. Svona lítil þjóð hlýtur að geta unnið saman.