Nú er allt útlit fyrir að verðbólgan lækki mjög hratt næstu mánuði. Hagfræðideild Landsbankans spáir því að hún teljist 11,1 prósent á ársgrundvelli í apríl.

Það þýðir víst í raun að hún er orðin nánast engin; gott ef verðhjöðnun er ekki komin til skjalanna.

Alla vega er alls engin afsökun lengur fyrir hinum háu vöxtum.

Seðlabankinn er vissulega byrjaður að lækka þá, en virðist ætla að fara mjög varlega í sakirnar. Það er kannski skiljanlegt að vilja fara gætilega, en ég held að nú sé kominn tími til að stíga stærri og djarfmannlegri skref.

Er eitthvað því til fyrirstöðu að lækka vexti strax? Næsti formlegi vaxtaákvörðunardagur mun vera í byrjun maí - til hvers þarf að bíða eftir honum?

Hver einustu mánaðamót með núverandi okurvöxtum eru fyrirtækjum og einstaklingum skelfileg byrði.