Í gær lagði ég fyrir formenn og/eða talsmenn flokka/framboða tvær spurningar um jöfnun atkvæðisréttar. Eitt svar hefur enn borist, frá Jóhanni Kristjánssyni kosningastjóra Borgarahreyfingarinnar.

Það er svohljóðandi:

"Telur þú sjálfur að gera eigi landið allt að einu kjördæmi - eða hugsanlega jafna atkvæðisrétt ALGERLEGA með öðrum hætti?"

Svar: Borgarahreyfingin vill jafna atkvæðisvægi á hvern kjósanda, þ.e. hvert atkvæði gildi það sama. Jafnframt að það eigi að sameina RN, RS og SV kjördæmin í eitt kjördæmi strax og fækka þá kjördæmum í 4 úr 6. Það er síðan mín persónulega skoðun að hafa landið eitt kjördæmi.

"Munt þú beita þér fyrir því að breytingar í þá átt taki gildi við þá endurskoðun stjórnarskrár sem brátt stendur fyrir dyrum?"

Svar: Já.