Ég hef sagt það fyrir hverjar kosningar undanfarið, en það er aldrei brýnna en nú:

Elsku bestu fjölmiðlar, ekki eyða tíma og orku okkar kjósenda í að birta daglegar skoðanakannanir fram að kosningum.

Þá mun kosningabaráttan ekki snúast um annað þessa dýrmætu daga en viðbrögð við skoðanakönnunum.

Það mun gefa stjórnmálamönnunum kærkomið tækifæri til að leggjast í það karp og spælingar sem þeir njóta sín svo vel í, en sleppa því að fjalla um bæði nútíð og fortíð á ábyrgan hátt.

Gildi þessara skoðanakannana er hins vegar lítið sem ekkert - við vitum nú þegar nokkurn veginn hvernig landið liggur og fjörugar umræður um 1-2 prósenta tilfærslur í skoðanakönnunum gera ekki annað en draga athyglina frá því sem máli skiptir.

Úrræðum flokkanna. Og ábyrgð þeirra.