Ég sá í gærkvöldi sjónvarpsauglýsingu frá Sjálfstæðisflokknum. Loftmyndir af Reykjavík meðan þulur talaði um að "nýta auðlindirnar", ef ég man rétt.

Boðaði sem sagt álver.

Voða brýnt núna, eða þannig.

En það sem mér fannst merkilegast var hvað auglýsingunni með þessum loftmyndum svipaði ótrúlega mikið til auglýsingaherferðar N1 sem gekk hvað lengst í fyrra eða hitteðfyrra.

Þegar lógó N1 útbíaði allt landslag á Íslandi og laumaði sér alls staðar inn í borgarmyndina.

Var ekki Bjarni Benediktsson þá ennþá hæstráðandi N1?

Ég stóð mig að því að vera farinn að skima eftir lógói N1 meðan þulur Sjálfstæðisflokksins malaði um álverið.

Er þetta tilviljun? Eða mín ofskynjun?