Það er nú löngu komið í ljós að fasteignaverð var orðið alltof hátt hér 2007 og hlaut að lækka allverulega.

En það er einhvern veginn litið á það sem einhvers konar "náttúrulega" bólu í þensluumhverfi að fasteignaverðið skyldi vera orðið alltof hátt.

Svoleiðis gerist bara í svona bólum, segir fólk.

Nú hef ég aftur á móti sannfrétt það (í heita pottinum í Vesturbæjarlauginni, hvorki meira né minna!) að í næstum tvö ár áður en fasteignabólan sprakk, þá hafi verðinu beinlínis verið haldið uppi með handafli af stærstu verktökunum.

Og þeir hafi með þessu komið í veg fyrir að verðið færi að lækka mun fyrr og á "hófsamlegri" hátt en núna er raunin.

Sé þetta raunin, ættu þá ekki þeir sem keyptu fasteignir á lokastigum fasteignabólunnar að eiga einhvers konar rétt?

Annaðhvort þannig að þeir geti beinlínis sótt rétt sinn gegn þeim sem svindluðu með fasteignaverðið, eða fái alla vega sérstaka meðferð í kerfinu af því þeir hafi verið blekktir til að kaupa á of háu verði?