Sú var tíðin að við Íslendingar töldum okkur hamingjusömustu þjóð í heimi.

Það var reyndar áður en nýfrjálshyggjan náði heljartökum á þjóðinni og okkur var talin trú um að hamingjan væri í því fólgin að verða "ríkasta þjóð í heimi".

Hver ætli hamingjuprósentan yrði ef málið yrði kannað núna?

Á heimasíðu Háskóla Íslands er hérna að finna afar fínan fyrirlestur sem Páll Matthíasson geðlæknir flutti nú nýverið um hamingjuna, í fyrirlestraröð um kreppu og hamingju.

Sérlega athyglisvert finnst mér hvað hugmyndir Páls ríma vel við aldeilis frábæra bók sem litla bókaforlagið mitt gaf út fyrir jólin í fyrra - Hnotið um hamingjuna, eftir Harvard-prófessorinn Daniel Gilbert. Sú bók fékk ekki þá athygli sem hún átti skilið, því hún er ekki bara skörp greining á því hvernig við lítum á hamingjuna, heldur líka alveg frábærlega skemmtileg.