Þetta samráð grasrótarhreyfinga er fínt mál. Ég veit ekki hvort þetta er hugsað sem undirbúningur sameiginlegs framboðs, en það kemur væntanlega í ljós fyrr en síðar.

Alla vega er gott að þessar hreyfingar tali saman. Þær eru örugglega sammála um flesta hluti, þegar málið snýst fyrst og fremst um nauðsynlegar lýðræðisumbætur, og því væri fráleitt að eyða kröftunum.

Sem minnir mig á, veit einhver hvort núverandi ríkisstjórn getur með einfaldri lagasetningu afnumið hinn óréttláta fimm prósenta þröskuld sem ný stjórnmálaöfl þurfa að klofa yfir áður en þau komast á þing?

Ef það er ekki flóknara en svo, þá þarf auðvitað að vera búið að því fyrir kosningarnar í apríl.