Ég hef ekki heyrt neitt minnst á það, en hlýtur ekki ný ríkisstjórn Jóhönnu Sigurðardóttur að taka til endurskoðunar þá nefnd sem nú er tiltölulega nýbyrjuð að rannsaka bankahrunið?

Undir forystu Páls Hreinssonar.

Út af fyrir sig treysti ég alveg þeim þremur einstaklingum sem í nefndinni sitja, og það hvarflar ekki að mér að efast um að þau vilji vinna störf sín af samviskusemi.

En til að taka af öll tvímæli, á þessi nefnd samt að lúta forystu útlendings sem alls engra hagsmuna getur haft að gæta á Íslandi.

Hér á Íslandi er enginn sem getur talist fullkomlega óháður stjórnmálaflokkum eða öðrum valdaklíkum, eða þá útrásarfyrirtækjum og bönkunum.