Ég hlýt að vekja athygli á því að í dag kemur út nýtt hefti af systurblöðunum Sögunni allri og SKAKKA TURNINUM.

Sagan öll skartar á forsíðu Ívani grimma Rússakeisara, málverki þar sem hann heldur á blóðugu líki sonar síns. Ívan sjálfur varð honum að bana.



Einnig er í Sögunni allri fjallað um Marilyn Monroe, einkennileg mannshvörf, sögu fallaxarinnar og þá mikilvægu spurningu hvort forfeðurnir hafi verið skítugri en við.

SKAKKI TURNINN hefur aftur á móti forsíðunni mjög svo dularfullt mál frá Ástralíu.



Þar fannst lík árið 1948 og enn þann dag í dag hefur ekki tekist að upplýsa hver dauði maðurinn var.

En greinilegt að eitthvað undarlegt hafði átt sér stað.

Við sögu kemur undarlegt dulmál, persneskur kvæðabálkur og (kannski) sovéskir njósnarar!

Og er þá fátt eitt talið!

Einnig er í blaðinu fjallað um ógeðsleg ennistattú, kjánalegustu uppfinningar heimsins og idjótískustu teiknimyndapersónurnar.

Að ekki sé minnst á mannætuna Bókassa keisara í Mið-Afríku. Eða var hann mannæta?

Margt margt fleira kemur við sögu í blaðinu.