Enginn er ég innanbúðarmaður í íslenskum stjórnmálaflokkum.

En mér sýnist þó að tvennt sé augljóst.

Að Samfylkingunni þyki "órólega deildin" í VG laus við ábyrgðartilfinningu og leiki sér að eldinum af einhverju misskildu stolti, jafnvel bara persónulegu stolti.

Að "órólegu deildinni" í VG þyki Samfylkingin ganga fram með frekju og heimta að VG samþykki nánast hvað sem er, jafnvel án þess að Vinstri grænir hafi fjallað um það nógsamlega.

Hm. Er ekki frekar einfalt mál að leysa þetta? Þarf nokkuð að stofna þjóðarhag í hættu, eða hleypa hrunkóngunum aftur að valdastólum af því fólk getur ekki sest niður og leyst málið á einni kvöldstund?