Ég sé að nú á loksins að fara að endurútgefa reyfara Sjöwall og Wahlöö. Og ekki vonum seinna. Ég man að ég fór að lesa þær á dönsku fyrir margt löngu, tiltölulega nýhættur að lesa Alistair MacLean. Og þessar bækur voru algjör uppgötvun.

Bæði spennandi og vel skrifaðar.

Upp á síðkastið stekkur fram hver reyfarahöfundurinn af öðrum í Svíþjóð. Henning Mankell, Liza Marklund, Stieg Larsson og hvað þau heita.

Flest eru þau ágæt, en ég held að ekkert þeirra komist í hálfkvisti við þau hjónakornin Sjöwall og Wahlöö.