Nýtt hefti af SKAKKA TURNINUM/Sögunni allri er á leið í búðir í dag. Krakkarnir á ritstjórninni skemmtu sér konunglega við að semja forsíðugreinina í SKAKKA um "það allra versta" á ýmsum fjölbreytilegum sviðum.

Til dæmis er skrifað um versta starfið, verstu plötuumslögin, versta fótósjoppið, verstu eyjuna, versta hljóðfærið (á Facebook-síðu SKAKKA má hlusta á það hljóðfæri), verstu orðabókina og versta fótboltaliðið.

Auk þess eru í SKAKKA TURNINUM greinar um allt milli himins og jarðar eins og venjulega.

Vissuði til dæmis að til er teiknimyndaofurhetja sem heitir "Króna"?

Eða að Henry Ford bílaframleiðandi í Bandaríkjunum lét reisa heila borg, eins konar Útópíu, lengst inni í frumskógum Amazon?

Forsíðan á SKAKKA lítur svona út: