Fyrir rétt rúmum 20 árum kynntist ég ungum pilti sem þá var 5 ára.

Það kom fljótt í ljós að þetta var einstakur sómadrengur og það var mér óblandinn heiður þegar ég heyrði hann í fyrsta sinn kalla sig fósturson minn.

Nú er hann fyrir nokkru orðinn fulltíða maður og ævinlega sama valmennið.

Og fyrir fáeinum árum búinn að festa sér stúlku sem býður ekki síður af sér besta þokka.

En þegar þau litlu hjónin fóru að sofa í gærkvöldi lá á milli þeirra splunkuný manneskja.