Í gærkvöldi gerðist stórmerkilegur atburður.

Þar sem ég var að aka á mínum Volvó á óvenjufallegu og steinkyrru haustkvöldi eftir Skúlagötunni á leið inní Laugar í líkamsræktina og hlustaði á hinn ágæta þátt Hið opinbera í útvarpinu, þá skotraði ég augunum upp að glerturninum mikla við Höfðatorg, hvað haldiði að ég hafi þá séð?

Jú, það voru ljós á einni hæðinni!

Fyrsta lífsmarkið kannski í þessu apalega tákni "góðærisins"? Þar sem bankarnir okkar ætluðu allir að hreiðra um sig innan um marmara flísar og annað gott.

En þetta voru reyndar bara ljós. Það var engin manneskja á ferli.