Þorgerður Katrín segir að hún reikni með að Davíð geri það sem rétt er fyrir Sjálfstæðisflokkinn.

Þetta er furðuleg staðhæfing. Ef allt væri eðlilegt væri hún auðvitað hálfgerð árás á persónufrelsi Davíðs. Vitaskuld hefur hann frelsi til að hafa hvaða skoðun sem honum sýnist. Og gera það sem honum dettur í hug.

(Innan marka þeirra starfa sem hann gegnir, auðvitað!)

Og Sjálfstæðisflokkurinn er ekki heilög kýr sem fólki ber að laga skoðanir sínar að.

En þessari staðhæfingu er heldur ekki varpað fram í neinu eðlilegu ástandi.

Þvert á móti. Hana verður að skilja í ljósi þess fársjúka ástands sem verið hefur innan Sjálfstæðisflokksins svo lengi.

Auðvitað þýða orð Þorgerðar Katrínar í raun og veru: "Haltu kjafti og vertu úti!"

Og auðvitað hefði hún átt að segja það berum orðum. Eða svona nokkurn veginn.