Mér sýnist ég hafa veðjað á rétta vefsíðu þegar ég vistaði örlitlu Trésmiðjuna mína á dv.is.

Fréttasíða dv.is er oft áberandi snarari í snúningum en hinar fréttasíðurnar.

Í morgun voru ruv.is og mbl.is lengi vel bara með fyrstu frétt um "Davíð hótar að snúa aftur".

Visis.is var fljótari í förum og var kominn með frétt um að DO væri kominn á fund viðskiptanefndar Alþingis.

En á dv.is var ekki einungis komin mynd af honum á fundinum og frétt um upphaf fundarins, greinilega skrifuð af blaðamanni sem var á staðnum, heldur var líka komið viðtal við Þorgerði Katrínu um viðbrögð hennar við yfirlýsingum DO í danska héraðsfréttablaðinu.

Vel að verki staðið!