Mér finnst eiginlega, sem sérstökum fjandmanni íslensku krónunnar, að sem flestir ættu að lesa þessa grein hans Benedikts Jóhannessonar um íslensku krónuna í Fréttablaðinu.

Benedikt harmar að við skyldum ekki hafa gengið í ESB (eða jafnvel tekið einhliða upp evru) fyrir nokkrum árum þegar öll skilyrði voru til þess. En þó við sitjum uppi með krónuna enn um sinn vill hann stefna beint í ESB.

Hann segir: "Það hefði ekki forðað íslensku bönkunum frá þroti þó að gjaldmiðill okkar hefði verið evra. En það hefði hins vegar forðað fjölda heimila og fyrirtækja frá því að fara í þrot."

Og bætir við:

"Kostirnir eru miklir:

1. Verðbólgan væri 3-4% en ekki 18-19%.

2. Vextir væru 2-8%, ekki 18-26%.

3. Lán sem fólk tók í fyrra hefði ekki tvöfaldast sem hlutfall af launum.

4. Viðskipti við útlönd væru eðlileg.

5. Útlendingar þyrftu ekki að vera hræddir við að festa fé á Íslandi.

Þeir sem töluðu með hæðnisrómi um að evran leysti ekki allan vanda höfðu vissulega rétt fyrir sér. En vandinn hefði verið mun minni en hann varð með krónunni."