... og ég ekkert síður en aðrir.

Hvað er langt síðan Björgólfur Guðmundsson kom í viðtal við Kastljós og upplýsti að bresk stjórnvöld hefðu boðist til að leysa Landsbankann úr snöru Icesave-reikninganna með því að flytja þá til Bretlands?

Er það ekki mánuður eða meira? Tveir mánuðir?

Og jú, auðvitað hnutum við um þetta og leituðum skýringa.

Svolitla stund.

Baldur McQueen gerði t.d. sitt besta.

En þegar við fengum engar skýringar, þá fórum við bara að hugsa um eitthvað annað.

Núna erum við skyndilega reiðubúin til að horfast í augu við málið.

Sem er náttúrlega tröllvaxið, tröllvaxið klúður.

Sem við og börnin okkar verðum lengi að súpa seyðið af.

Einhverjir VERÐA að taka ábyrgð á þessu. Og umfram allt verðum við að fá að vita hvað gerðist.