Úti í búð í gær sá ég fullorðinn mann á mínum aldri næstum fara að gráta.

Hann var bara að raða einhverjum vörum í kerru og virtist á engan hátt í neinu "ástandi".

Þá var eins og þyrmdi allt í einu yfir hann og ég sá mér til skelfingar að hann var alveg að bresta í grát.

Það var ekki af því honum blöskraði verðlagið eða hefði ekki efni á akkúrat því sem hann þurfti að kaupa inn. Mér sýndist líðan mannsins alveg óháð þessum tilteknu innkaupum.

Það var bara eins og honum væri allt í einu öllum lokið stundarkorn.

Hann greip fyrir augu sér og það tísti einhvern veginn í honum.

Þetta stóð aðeins örfáar sekúndur. Svo herti hann sig upp og hélt bara áfram að kaupa í matinn.

Svona eru Íslendingar leiknir fyrir jólin 2008.

Eru ráðamenn ekki stoltir?