DV birtir í dag litla úttekt á því hvar auðmennirnir okkar ætla að vera um jólin. Margir þeirra verða í lúxusíbúðum sínum erlendis. Jón Ásgeir í New York, Sigurður Einarsson og Bakkabræður í London. Björgólfur Thor verður líklega heima á Íslandi, heldur DV, þótt hann búi líka vel í Bretlandi. Og þótt mér sýnist að ekki sé minnst á hann í greininni, ætli Bjarni Ármannsson verði þá ekki í Noregi?

Ef einhver alvara væri í þeim orðum sem a.m.k. sumir þessara útrásarvíkinga hafa látið falla um að þeir vildu leggja sig alla fram um að taka þátt í enduruppbyggingu Íslands ættu þeir að selja þessar lúxusíbúðir og nota peningana til að bjarga atvinnu fólks á Íslandi. Þeir geta alveg haft minna umleikis í útlöndum á næstunni!