Í heita pottinum í sundi voru menn að ræða "Nýja Ísland" sem flestir vonast með einum eða öðrum hætti til að leysi hið gamla af hólmi.

Auðvitað er mjög mismunandi hvað menn meina.

Sumir vilja fyrst og fremst hugarfarsbreytingu, aðrir meiriháttar umbyltingu á samfélagsháttum.

En svo fóru menn að gantast með hvort þetta "Nýja Ísland" þyrfti ekki nýja höfuðborg, nýjan þjóðsöng og nýjan fána.

Það væri gaman að sjá hugmyndir að nýjum íslenskum fána.

Tek það MJÖG SKÝRT fram að mér er EKKI ALVARA. Ég mundi ekki fyrir nokkurn mun vilja skipta um fána.

Væri bara fyndið að sjá hugmyndir.