Það er strax til bóta að selja sendiráðsbústaðina í Osló, London, Washington og New York, svo sem hérna segir frá.

En utanríkisráðuneytið getur gengið svo miklu miklu lengra í niðurskurði á sendiráðum.

Meiriparturinn af sendiráðum okkar er óþarfur. Þau tilheyra gömlum tíma þegar samskipti milli landa tóku langan tíma og það var gott fyrir ríki að hafa fulltrúa sína í höfuðborgum annarra landa til að tala máli sínu.

Nú taka flestöll samskipti sekúndubrot.

Ég efast ekki um að í öllum sendiráðum Íslands telji menn sig vera að vinna þarft og gott starf samkvæmt forsendum þeirrar utanríkisþjónustu sem hefur svo lengi verið við lýði.

En ég efast heldur ekki um að langflest þeirra verkefna væri hægt að vinna með öðrum hætti.

Og miklu ódýrar.