Þau Steingrímur J. Sigfússon og Katrín Jakobsdóttir sögðu margt nýtilegt í Vikulokunum á Rás eitt áðan.

Varðandi ESB, þá taldi Steingrímur einsýnt að kjósa um hvort sækja skyldi um aðild.

Mér hefur ævinlega þótt slík kosning tímaeyðsla.

Af því hin raunverulega niðurstaða mun ráðast í þeirri einu kosningu sem skiptir máli, það er að segja aðildarkosningunni sjálfri.

Ef maður vill snúa út úr, þá mætti spyrja hvort ekki væri alveg eins ástæða til að kjósa um hvort kjósa skyldi um hvort sótt skuli um aðild.

En ég vil ekki snúa út úr.

Svo þetta var ágætt hjá Steingrími.