Þegar ég var að vaxa úr grasi (svona um og upp úr 1970) lærði ég utanbókar ýmsan viðtekinn sannleika sem ég trúði síðan næstu 20-30 árin.

1.
Á Íslandi er besta menntakerfi í heimi.

Það reyndist vera tóm vitleysa þegar fréttir komu frá Singapúr.

2.
Á Íslandi er besta heilbrigðiskerfi í heimi.

Hvernig það álit stenst tímans tönn er upp og ofan.

3.
Á Íslandi er engin stéttaskipting.

Þessu trúði ég eins og nýju neti á árunum upp úr 1970. Undarlegt. En gamla valdastéttin var þá reyndar farin að hafa vit á að láta lítið á sér bera.

4.
Á Íslandi er engin fátækt.

Þegar þessi trú festist í kollinum á mér voru í hæsta lagi 5 ár síðan hin ömurlegu braggahverfi lögðust af.

5.
Á Íslandi er besta vatn í heimi.

Leiddi ekki einhver rannsókn í ljós að vatnið hér væri það 19. besta í heimi?

6.
Morgunblaðið er besta dagblað í heimi.

Hahahahaha!