Á eftir er ég að fara á jólaskemmtun í Austurbæjarskólanum þar sem m.a. verða flutt atriði úr Kardimommubænum.

Níu ára sonur minn ætlar að spreyta sig sem Jónatan ræningi.

Hann er svo spenntur að hann sofnaði ekki fyrr en klukkan ellefu í gærkvöldi og vaknaði klukkan sex í morgun.

Iðandi af áhyggjum yfir því hvort hann myndi muna textann sinn.

Texta sem Torbjörn Egner mundi reyndar ekki að öllu leyti kannast við.

Því það er búið að breyta texta Kardimommubæjarins heilmikið.

Þar er líka kreppa. Síðasti Pólverjinn er að tygja sig til farar.

Sá er þó munurinn á þessari kreppu í Kardimommubæ og kreppunni okkar að í Kardimommubæ ætla ræningjarnir að taka þátt í uppbyggingarstarfinu.