Þegar áföll dynja yfir hóp af fólki þjappar hópurinn sér saman.

Og hjálpast að.

Langoftast, að minnsta kosti.

Þetta er bara mannlegt viðbragð, sem gildir um alla menn.

Þess vegna hefur mér alltaf þótt dálítið fyndið þegar fólk segir: "Það er einkenni okkar Íslendinga að þegar mest á reynir, þá erum við sem einn maður."

Því nákvæmlega það sama má segja um allar aðrar þjóðir. Þetta er alls ekki bara einkenni okkar Íslendinga.

Ég held að stjórnvöldin í landinu hafi ætlað að nota sér þessa samstöðuhvöt eftir bankahrunið. Til að setja lokið á tunnuna eins og ég nefndi í síðasta pistli.

En þótt þessi hvöt sé sterk, þá endist hún bara í ákveðinn tíma.

Ef hún fær ekkert að nærast á.